இந்திய கிரிக்கெட் அணி வீரர்களுக்கு இந்த ஓய்வு நல்லது தான் என இந்திய பயிற்சியாளர் ரவி சாஸ்திரி தெரிவித்துள்ளார்.

ரவி சாஸ்திரி
உலகம் முழுதும் கொரோனா வைரஸ் அதிவேகமாக பரவி வருகிறது. இதனால் சர்வதேச கிரிக்கெட் போட்டிகள் அனைத்தும் ரத்து செய்யப்பட்டது. போட்டிகள் இல்லாத நிலையில் இந்திய கிரிக்கெட் வீரர்கள் அனைவரும், அரசின் அறிவுறுத்தல் படி வீட்டின் உள்ளேயே உள்ளனர். தங்களின் குடும்பத்தாருடன் நேரம் செலவிடுவதுடன் உள்ளேயே உடற்பயிற்சி செய்து அந்த வீடியோக்களை சமூக வலைதளத்தில் பதிவிட்டு வருகின்றனர்.

ஓய்வு நல்லது
இந்நிலையில், இந்திய கிரிக்கெட் அணியின் வீரர்களுக்கு இந்த ஓய்வு அவசியம் தேவையான ஒன்று என இந்திய பயிற்சியாளர் ரவி சாஸ்திரி தெரிவித்துள்ளார். இதுகுறித்து ரவி சாஸ்திரி கூறுகையில், “இந்த ஓய்வு என்பது இந்திய கிரிக்கெட் வீரர்களுக்கு மோசமானது கிடையாது. நியூசிலாந்து தொடருக்கு பின் மனதளவிலும், உடல் ரீதியாகவும், காயங்கள் என வீரர்கள் பாதிக்கப்பட்டனர்.

நீண்ட இடைவேளை
கடந்த 10 மாதங்களில் இந்திய வீரர்கள் கிரிக்கெட் விளையாடிய அளவு அதிகமானது. கடந்த ஆண்டு மே 23ஆம் தேதி இங்கிலாந்தில் நடந்த உலகக்கோப்பை கிரிக்கெட் தொடரில் பங்கேற்க சென்ற இந்திய அணி வீரர்கள் அதன் பிறகு இந்திய அணி வீரர்கள் சுமார் 10 மாதங்களுக்கு பின் தான் தாயகம் திரும்பினர்.

என் வாழ்நாளில் இதை விட படுமோசமான தருணம் இல்லை: ‘டான்’ ரோஹித் புலம்பல்!
சரியான நேரம்
இத்தனை மாத கிரிக்கெட் பயணத்துக்கு பின் இந்த ஓய்வு என்பது மிகவும் வரவேற்கதக்க விஷயம் தான். நீண்ட பயணத்துக்கு பின் இந்திய அணி நாடு திரும்பிய முதல் நாள் தான் இங்கு கொரோனா தாக்கம் துவங்கியது. அதனால் சரியான நேரத்தில் இந்திய வீரர்கள் நாடு திரும்பினர்.