கொரோனா தொற்றால் பாதிக்கப்பட்ட இளைஞர் கடித்துக் குதறியதில் தொண்ணூறு வயது மூதாட்டி பரிதாபமாக உயிரிழந்த சம்பவம் தேனி மாவட்டத்தில் பெரும் பரபரப்பை ஏற்படுத்தியுள்ளது.

தேனியில் பரபரப்பு

Tamil Girls Chat Room

தேனி மாவட்டத்தைச் சேர்ந்த நபர் கடந்த சில தினங்களுக்கு முன்பாக இலங்கையிலிருந்து
தனது சொந்த ஊரான போடிக்கு வந்திருந்தார். அவருக்கு கொரோனா அறிகுறி இருந்ததன் காரணமாக வீட்டில் தனிமைப்படுத்தப்பட்டிருந்தார்.

இதனால் அவர் மனநிலை பாதிக்கப்பட்டு, நேற்றுமாலை நிர்வாணமாக வீதிகளில் ஓடி பொதுமக்களை தாக்கியதோடு
அங்கே திண்ணையில் படுத்துறங்கிய 90 வயதான மூதாட்டியின் கழுத்தை பலமாக கடித்துள்ளார்.

இதனால் அக்கம் பக்கத்தில் இருந்தவர்கள் மூதாட்டியை காப்பாற்றியதோடு அந்த நபரை அடித்து கைகளை கட்டி போடி காவல் துறை உதவியோடு போடி அரசு மருத்துவமனையில் அனுமதித்தனர்.
கழுத்தில் படுகாயம் அடைந்த மூதாட்டி தேனி அரசு மருத்துவக்கல்லூரி மருத்துவமனையில் அனுமதிக்கப்பட்டிருந்தார்.

கொரோனா வந்துவிட்டதாக பயந்து கணவன், மனைவி தீக்குளித்து தற்கொலை..!

இந்த சூழ்நிலையில் இன்று காலை மூதாட்டி சிகிச்சை பலனின்றி பரிதாபமாக உயிரிழந்தார்.
இதனை அடுத்து கொரோனா அறிகுறியுடன் போடி அரசு மருத்துவமனையில் அனுமதிக்கப்பட்டுள்ள வாலிபர் மீது கொலை வழக்கு பதிவு செய்யப்பட்டு தற்போது தீவிர விசாரணை நடைபெற்று வருகிறது.

கோரோனா அறிகுறியாய் இலங்கையிலிருந்து வந்த நபரை தனிமைப் படுத்தியதால் மனநிலை பாதிக்கப்பட்டு மூதாட்டியை கடித்து கொலை செய்த சம்பவம் தேனி மாவட்டத்தில் பெரும் பரபரப்பை ஏற்படுத்தி உள்ளது.