வேளாங்கண்ணி பெரிய தேர் பவனி – லட்சக்கணக்கான பக்தர்கள் பங்கேற்பு

நாகப்பட்டினம்: வேளாங்கண்ணி கோவில் ஆண்டு விழாவையொட்டி, நேற்று ஆரோக்கிய மாதா உத்தருல பெரிய தேர்பவனி நடந்தது.

நாகை மாவட்டம் வேளாங்கண்ணி தூய ஆரோக்கிய மாதா பேராலய ஆண்டு விழா ஆகஸ்ட் 29ம் தேதி கொடியேற்றத்துடன் தொடங்கியது.

விழாவின் முக்கிய நிகழ்ச்சியான பெரிய தேர் பவனி நேற்று மாலை நடந்தது. முன்னதாக, தமிழில் ஜெபமாலை, மாதா ஜெபம், நவநாள் பிரார்த்தனை நடந்தது. தொடர்ந்து, தஞ்சாவூர் மாவட்ட ஆயர் தேவதாஸ் அம்புரோஸ் அடிகளார், மாவட்ட பரிபாலகர் சகாயராஜ் அடிகளார் தலைமையில் சிறப்பு கூட்டு இன்னிசை நிகழ்ச்சி கோவில் அரங்கில் நடந்தது.

பின்னர், தேரை ஆயர் தேவதாஸ் அம்புரோஸ் அடிகளார் கும்பாபிஷேகம் செய்தார். அதன் பிறகு முதன்முறையாக அவரது தலைமையில் மும்மூர்த்திகள் பிரார்த்தனை நடைபெற்றது. இதில், நாகூர் ஆண்டவர் தர்கா முதன்மை அறங்காவலர் முஹம்மது ஹாஜி உசேன், பரம்பரை கலீபா மஸ்தான், வேளாங்கண்ணி ராஜகிரீஸ்வரர் கோயில் தலைமை குருக்கள் நீலகண்டன் உள்ளிட்டோர் பங்கேற்றனர். தொடர்ந்து, இரவு 7.30 மணிக்கு பெரிய தேரில் புனித ஆரோக்கிய மாதா வீதியுலாவும், தொடர்ந்து 6 சிறிய சப்பரங்களில் மைக்கேல், சம்மனசு, செபஸ்தியார், அந்தோணியார், சூசையப்பர், உத்திரிய மாதா வீதியுலாவும் நடைபெற்றது.

சார் பவனி ஊர்வலமாக கோவிலை சுற்றி வந்து மீண்டும் கோவில் முகப்பு வந்தடைந்தது. பக்தர்கள் பக்திப் பரவசத்துடன், ‘மரியே வாழ்க, அன்னையே, பசிலிக்கா பசிலிக்கா’ என கோஷமிட்டனர். விழாவில் கலெக்டர் ஜானி டாம் வர்கீஸ், பேராயர் அதியராஜ் அடிகளார், துணைவேந்தர் அவுமஷ்ராஜ் அடிகளார் மற்றும் லட்சக்கணக்கான பக்தர்கள் கலந்து கொண்டனர்.