“இனி என் படங்களில் அனைவருக்கும் ஒரே வகையான உணவு” – விஜயகாந்த் நினைவிடத்தில் அருண் விஜய் உறுதி

சென்னை: நடிகர் அருண் விஜய், தான் நடிக்கும் அனைத்து படங்களின் படப்பிடிப்பின் போதும் அனைவருக்கும் ஒரே மாதிரியான உணவு வழங்கப்படும் என உறுதியளித்துள்ளார்.விஜயகாந்த் நினைவிடத்தில் அஞ்சலி செலுத்திய பின் செய்தியாளர்களிடம் அவர் கூறியதாவது.

நடிகரும், தேமுதிக தலைவருமான விஜயகாந்த், சில நாட்களுக்கு முன் உடல்நலக் குறைவால் காலமானார். அவரது மரணம் இந்தியாவில் பெரும் சோகத்தை ஏற்படுத்தியது. இந்த நிலையில் சென்னை கோயம்பேட்டில் உள்ள திமுக தலைமை அலுவலகம் விஜயகாந்த் நடிகர் அருண் விஜய் நினைவிடத்தில் அஞ்சலி செலுத்தினார்.

பின்னர் செய்தியாளர்களிடம் பேசிய அவர் கூறியதாவது: விஜயகாந்தின் இறுதி ஊர்வலத்தில் என்னால் பங்கேற்க முடியவில்லை. ஒன்றரை மாதம் கழித்து இப்போதுதான் வெளியே வருகிறேன். விஜயகாந்த் தான் எனக்கு மிகப்பெரிய இன்ஸ்பிரேஷன். சினிமாவில் நடிக்க வருபவர்களுக்கு ரஜினி, கமல் போல் ஆக வேண்டும் என்ற எண்ணம் இருக்கும். ஆனாலும் விஜயகாந்த் ஆக்‌ஷன் காட்சிகளில் புதுமை புகுத்தி மக்கள் மனதில் நீங்கா இடம் பிடிக்கவே சினிமாவுக்கு வந்தேன்.

தமிழ் திரையுலகமும், தமிழ் மக்களும் ஒரு சிறந்த மனிதரை இழந்துள்ளனர். இனிமேல் எனது படங்களின் படப்பிடிப்பு தளத்தில் அனைவருக்கும் ஒரே மாதிரியான உணவு வழங்கப்படும் என்பதை அவரது நினைவாக கூறிக்கொள்வதில் மகிழ்ச்சி அடைகிறேன்.

நடிகர் சங்க கட்டிடத்திற்கு விஜயகாந்த் பெயரை சூட்ட வேண்டும் என்பதே எனது வேண்டுகோள், இனி வரும் காலங்களில் அதை நடிகர் சங்க நிர்வாகிகள் செய்வார்கள் என்று உறுதியாக நம்புகிறேன்” என்றார் அருண் விஜய்.