விஜயகாந்துக்கு ஜன.19-ல் நினைவேந்தல் கூட்டம்: தென்னிந்திய நடிகர் சங்கம் அறிவிப்பு

சென்னை: மறைந்த நடிகர் விஜயகாந்துக்கு தென்னிந்திய நடிகர் சங்கம் சார்பில் நினைவேந்தல் கூட்டம் நடத்தப்படும் என அறிவிக்கப்பட்டுள்ளது.

இதுகுறித்து தென்னிந்திய நடிகர் சங்கம் வெளியிட்டுள்ள செய்திக்குறிப்பில் கூறியிருப்பதாவது: தனது உழைப்பு, திறன், சிந்தனை ஆகியவற்றை மக்களுக்காக அர்ப்பணித்த நமது நடிகர் சங்கத்தின் தூணாக திகழ்ந்தார். கேப்டன் விஜயகாந்த் தென்னிந்திய நடிகர் சங்கம் சார்பில் அவர்களின் நினைவேந்தல் கூட்டம் 19.01.2024 அன்று மாலை 6 மணிக்கு சென்னை தேனாம்பேட்டை காமராஜர் அரங்கில் நடைபெறும் என்று தெரிவிக்கப்பட்டுள்ளது.

நடிகரும், தேமுதிக தலைவருமான விஜயகாந்த், கடந்த ஆண்டு டிசம்பர் 28ம் தேதி காலமானார். அவருக்கு நினைவேந்தல் கூட்டம் நடத்தப்படும் என தென்னிந்திய நடிகர் சங்கம் தெரிவித்துள்ளது.