நடிகர் சுரேஷ்கோபி முன் ஜாமீன் கேட்டு மனு

பிரபல மலையாள முன்னணி நடிகர் சுரேஷ் கோபி. தமிழில் அஜித்தின் தீனா, ஷங்கரின் ஐ, விஜய் ஆண்டனியின் ‘தமிழரசன்’ ஆகிய படங்களில் நடித்துள்ளார். பாஜக தலைவரான இவர் ராஜ்யசபா உறுப்பினராக இருந்தவர். கடந்த சில மாதங்களுக்கு முன்பு கோழிக்கோட்டில் பேட்டி அளித்தார். அப்போது, ​​கேள்வி கேட்ட பெண், பத்திரிகையாளரின் தோளில் கை வைத்தார். அவர் கையைத் தட்டியபோதும், சுரேஷ்கோபி மீண்டும் தோளைத் தொட்டுப் பேசினார். இது தொடர்பான வீடியோ வெளியாகி பரபரப்பை ஏற்படுத்தியுள்ளது. பின்னர் இதற்காக மன்னிப்பும் கேட்டார்.

இந்நிலையில், கோழிக்கோடு காவல் நிலையத்தில் சுரேஷ்கோபி மீது பத்திரிகையாளர் புகார் அளித்தார். போலீசார் வழக்கு பதிவு செய்து விசாரணை நடத்தினர். இந்நிலையில், தன்னை போலீசார் கைது செய்யாமல் இருக்க, முன்ஜாமீன் கோரி கேரள உயர்நீதிமன்றத்தில் சுரேஷ்கோபி மனு தாக்கல் செய்துள்ளார்.