சக்கரக்கட்டி முதல் ப்ளூ ஸ்டார் வரை – நடிகர் சாந்தனு நெகிழ்ச்சி பதிவு

சென்னை: ‘ப்ளூ ஸ்டார் படம்’ இன்று வெளியாகும் நிலையில், நடிகர் சாந்தனு எக்ஸ் தளத்தில் ஒரு பதிவை வெளியிட்டுள்ளார்.

இயக்குனர் பா.ரஞ்சித் தயாரித்துள்ளார் ‘புளூ ஸ்டார்’ திரைப்படம் இன்று வெளியிடப்பட்டது. இப்படத்தில் அசோக் செல்வன் மற்றும் சாந்தனு ஆகியோர் முக்கிய வேடங்களில் நடித்துள்ளனர்.

புதுமுக இயக்குனர் ஜெயக்குமார் இயக்கத்தில் நீலம் புரொடக்ஷன்ஸ் இப்படத்தை தயாரித்துள்ளது. கிரிக்கெட் விளையாட்டை மையமாக வைத்து இப்படத்தின் கதைக்களம் அமைந்துள்ளது. கீர்த்தி பாண்டியன், பிருத்விராஜன், பகவதி பெருமாள், இளங்கோ குமரவேல், லிசி ஆண்டனி, திவ்யா துரைசாமி உள்ளிட்ட பலர் நடித்துள்ளனர். கோவிந்த் வசந்தா இசையமைத்துள்ளார்.

‘ப்ளூ ஸ்டார் படம்’ இன்று வெளியாகும் நிலையில், நடிகர் சாந்தனு எக்ஸ் தளத்தில் ஒரு பதிவை வெளியிட்டுள்ளார். அதில், “சக்கரக்கட்டியில் இருந்து ‘புளூ ஸ்டார்’ வரையிலான இந்த பயணம் எனக்கு நிறைய பாடங்களை கற்றுத்தந்தது. என் வாழ்நாள் முழுவதும் நான் போற்றும் நல்ல நினைவுகளை தந்துள்ளது. ‘புளூ ஸ்டார்’ உங்கள் ஹோம் ரன் படம். திரையரங்கிற்கு சென்று படம் பாருங்கள் உங்களுக்கு கண்டிப்பாக இந்த படம் பிடிக்கும். நாங்கள் வெற்றி பெறுகிறோம். .” சாந்தனு புன்னகையுடன் பதிவிட்டுள்ளார்.