திரைப்படங்கள் அழுத்தமான தாக்கத்தை ஏற்படுத்தும்: விஷ்ணு விஷால் நம்பிக்கை

சென்னை: சுசீந்திரன் இயக்கிய ‘வெண்ணிலா கபடி டீம்’ படத்தின் மூலம் ஹீரோவானார் விஷ்ணு விஷால். சரண்யா மோகன், கிஷோர், சூரி உள்ளிட்ட பலர் நடித்துள்ள இந்தப் படம் 2009ஆம் ஆண்டு வெளியானது.

இந்தப் படம் வெளியாகி 15 ஆண்டுகளுக்குப் பிறகு விஷ்ணு விஷால் வெளியிட்டுள்ள பதிவில், எனது திரையுலக வாழ்க்கைக்கு சிறப்பான தொடக்கத்தை அளித்த இயக்குநர் சுசீந்திரனுக்கு நன்றி. திரைப்படங்கள் சமூகத்தில் சக்திவாய்ந்த தாக்கத்தை ஏற்படுத்தும் என்று நான் உறுதியாக நம்புகிறேன். எனக்கு வாய்ப்பு கிடைக்கும் போதெல்லாம், எனது படங்களின் மூலம் ரசிகர்களுக்கு நல்ல கருத்துக்களை சொல்ல முயற்சித்தேன். இந்த 15வது வருட திரைப்பயணம் எனக்கு இன்னும் சிறப்பு.

‘லால் சலாம்’ படத்தில் ரஜினியுடன் இணைந்து திரையுலகைப் பகிர்ந்து கொள்கிறேன். எனது பயணம் சரியான நேரத்தில், சரியான திசையில் உச்சத்தை நோக்கி செல்வதில் மகிழ்ச்சி அடைகிறேன்,” என்றார்