சிவராஜ் குமாருடன் கைகோக்கும் ‘சப்த சாகரதாச்சே எல்லோ’ பட இயக்குநர்!

கன்னடத்தில் மெகா ஹிட்டான ‘சப்த சாகரதாச்சே எல்லோர்’ படத்தின் இயக்குனர் சிவராஜ் குமாருடன் புதிய படம் ஒன்றில் இணைகிறார்.

ஹேமந்த் ராவ் இயக்கத்தில் ரக்‌ஷித் ஷெட்டி மற்றும் ருக்மணி வசந்த் நடிப்பில் கடந்த ஆண்டு செப்டம்பரில் வெளியான கன்னடப் படம் ‘சப்த சாகரதாச்சே எல்லோர் – சைட் ஏ’. சரண்ராஜ் இசையமைத்துள்ள இப்படத்தில் அச்யுத் குமார், பவித்ரா லோகேஷ், அவினாஷ் மற்றும் பலர் நடித்துள்ளனர். திரையரங்குகளில் வெளியானதை விட OTD வெளியீட்டிற்குப் பிறகு இந்தப் படம் பரவலான பார்வையாளர்களிடம் நல்ல வரவேற்பைப் பெற்றது.

காதலை மையமாக வைத்து உருவாகும் ‘சைட் ஏ’ படத்தின் முதல் பாகம் இது. இதன் இரண்டாம் பாகம் அக்டோபரில் வெளியாகும் என கூறப்பட்டு பின்னர் தேதி மாற்றப்பட்டது. இதை ரசிகர்கள் ஆவலுடன் எதிர்பார்த்தனர். அதன்படி நவம்பர் மாதம் படம் வெளியானது. வரவேற்பு காரணமாக, தமிழ் உள்ளிட்ட பிராந்திய மொழிகளிலும் டப் செய்யப்பட்டு வெளியிடப்பட்டது. இப்படம் தற்போது Amazon Prime OTT தளத்தில் கிடைக்கிறது.

இந்நிலையில் இப்படங்களின் இயக்குனர் ஹேமந்த் ராவ் இயக்கும் புதிய படத்தில் சிவராஜ் குமார் கதாநாயகனாக நடிக்கிறார். இப்படத்தை வைஷாக் கவுடா தயாரித்துள்ளார். இதுகுறித்து இயக்குநர் ஹேமந்த் ராவ் கூறுகையில், “நடிகராக சிவராஜ் குமாரின் அனுபவம் மிகப் பெரியது. அவர் தனது தொழில் வாழ்க்கை முழுவதும் பல வித்தியாசமான வேடங்களில் நடித்துள்ளார்.

ஒரு இயக்குனராக என்னையும், அவரையும் உற்சாகப்படுத்தும் படத்தை உருவாக்க வேண்டும் என்பதே எனது எண்ணம். அவருடன் பணிபுரிவது எனக்கு கிடைத்த மிகப்பெரிய வாய்ப்புகளில் ஒன்றாகும். என்னுடைய 5வது படத்தில் லெஜண்ட் சிவராஜ் குமாருடன் இணைந்து பணியாற்றுவது மிகப்பெரிய கவுரவம். ஒவ்வொரு படத்தையும் என்னுடைய முதல் மற்றும் கடைசிப் படம் என்றே நினைத்துக் கொண்டிருப்பேன்,” என்றார்.