அட்லீ தயாரிப்பில் கீர்த்தி சுரேஷ், வருண் தவானின் ‘பேபி ஜான்’ – அறிவிப்பு வீடியோ வெளியீடு

மும்பை: அட்லி தயாரிக்கும் பாலிவுட் படத்துக்கு ‘பேபி ஜான்’ என்று பெயர் வைத்துள்ளனர். இதன் அறிமுக வீடியோவையும் படக்குழு வெளியிட்டுள்ளது.

ஷாருக்கான் இயக்கிய ‘ஜவான்’ படத்தின் மூலம் பாலிவுட்டில் வலுவான ‘என்ட்ரி’ கொடுத்தவர் இயக்குனர் அட்லீ. இப்படம் ரூ.1000 கோடிக்கு மேல் வசூல் செய்து நல்ல வரவேற்பை பெற்றது. இதையடுத்து தற்போது தயாரிப்பாளராக பாலிவுட்டில் நுழைந்துள்ளார். இப்படத்தில் வருண் தவான், கீர்த்தி சுரேஷ், வாமிகா கபி ஆகியோர் முக்கிய வேடங்களில் நடிக்கின்றனர் இப்பணி கடந்த ஜனவரி 14ம் தேதி பூஜையுடன் தொடங்கியது. இப்படத்திற்கு தமன் இசையமைக்கிறார். அட்லியின் மனைவி பிரியா அட்லீ இப்படத்தை தயாரிக்கிறார்.

இந்தப் படத்தின் மூலம் பாலிவுட்டில் ஹீரோயினாக அறிமுகமாகிறார் கீர்த்தி சுரேஷ். இந்நிலையில் அட்லீ தற்போது படத்தின் தலைப்பு மற்றும் அறிமுக வீடியோவை தனது எக்ஸ் தள பக்கத்தில் வெளியிட்டுள்ளார். படத்திற்கு ‘பேபி ஜான்’ என்று பெயர் வைத்துள்ளனர். முன்னதாக இப்படம் விஜய் நடித்த ‘தெறி’ படத்தின் இந்தி ரீமேக் என்று கூறப்பட்டது. ஆனால், படக்குழு அதிகாரப்பூர்வமாக அறிவிக்கவில்லை. அறிமுக வீடியோ ‘தெறி’ போல் இல்லை. இப்படம் மே 31ஆம் தேதி வெளியாகும் என அறிவிக்கப்பட்டுள்ளது. அறிவிப்பு வீடியோ: