அயோத்தியில் ரூ.14.5 கோடிக்கு வீட்டுமனை வாங்கிய அமிதாப் பச்சன் – விவரம் என்ன?

புது தில்லி: அயோத்தியில் வரும் 22ம் தேதி ராமர் கோவில் கும்பாபிஷேக விழா நடைபெற உள்ள நிலையில், பாலிவுட்டின் டாப் ஸ்டார் அமிதாப் பச்சன் அயோத்தியில் சொந்த வீடு வாங்கியுள்ளதாக தகவல் வெளியாகியுள்ளது.

உத்தரபிரதேச மாநிலம் அயோத்தியில் பிரமாண்டமாக கட்டப்பட்டு வருகிறது ராமர் கோவில் திறப்பு விழா ஜனவரி 22-ஆம் தேதி நடைபெறவுள்ளது. அன்று கோயிலில் ராமர் சிலை பிரதிஷ்டை செய்யப்படுகிறது. இந்த விழாவில் பிரதமர் மோடி உட்பட பல முக்கிய தலைவர்கள் கலந்து கொள்கின்றனர். இந்நிலையில், அயோத்தியில் 10,000 சதுர அடியில், ரூ..14.5 கோடி இருக்கும் என்று தெரிவிக்கப்பட்டுள்ளது.

கோயில் திறப்பு விழாவுக்குப் பிறகு, அயோத்தி உலகின் மிகப்பெரிய சுற்றுலாத் தலமாக உருவெடுக்கப் போகிறது. எனவே, இங்கு பெரிய பொருளாதார நடவடிக்கைகளை அரசும் பொதுமக்களும் எதிர்பார்க்கின்றனர். இதனால் இங்கு நிலத்தின் விலையும் உயர்ந்து வருகிறது. இந்த வீடு அயோத்தியில் சரயு பகுதியில் அமைந்துள்ளது. அமிதாப் பச்சன் வாங்கிய இடம் ராமர் கோவிலில் இருந்து 10 நிமிட தூரத்திலும், விமான நிலையத்தில் இருந்து 20 நிமிட தூரத்திலும் உள்ளதாக கூறப்படுகிறது.

மும்பையில் உள்ள ஹவுஸ் ஆஃப் அபிநந்தன் லோதா (HoABL) என்ற ஹவுசிங் டெவலப்மென்ட் நிறுவனம், அயோத்தி ராமர் கோயில் அருகே 51 ஏக்கர் பரப்பளவில் வீட்டுத் திட்டத்தைச் செயல்படுத்த திட்டமிட்டுள்ளதாகவும், பிரமாண்டமான வீடுகள் கட்டப் போவதாகவும் தகவல் வெளியாகியுள்ளது. இந்த இடத்தில் ஒரு ஐந்து நட்சத்திர ஹோட்டல் உள்ளது. அயோத்தியில் அமிதாப் பச்சன் சொந்த வீடு வாங்கியது பாலிவுட்டில் பேசுபொருளாக மாறியுள்ளது.