“இது பாஜகவுக்கான பிரச்சாரப் படம் அல்ல!” – ‘ஆர்டிக்கிள் 370’ பட தயாரிப்பாளர்

மும்பை: மீண்டும் தேர்தலில் வெற்றி பெற பாஜகவுக்கு இதுபோன்ற சிறிய படங்களின் உதவி தேவையில்லை. கடந்த 100 ஆண்டுகளில் யாராலும் முடியாத அளவுக்கு ராமர் கோவில் கட்டி முடித்துள்ளனர். எனவே, அவர்கள் எங்களை நம்பி இருக்க வேண்டிய அவசியம் இல்லை” என்று ‘ஆர்ட்டிகல் 370’ தயாரிப்பாளர் ஆதித்யா தார் கூறினார்.

பாலிவுட் நடிகை யாமி கெளதம் மற்றும் பிரியாமணி நடித்துள்ள ‘ஆர்ட்டிகல் 370’ திரைப்படம் வரும் 23ஆம் தேதி திரையரங்குகளில் வெளியாக உள்ளது. ஜம்மு காஷ்மீருக்கு சிறப்பு அந்தஸ்து வழங்குவதற்காக நிறுவப்பட்டது சட்டப்பிரிவு 370 ரத்து செய்வது பற்றி பேசுகிறது இப்படத்தின் டிரைலர் சமீபத்தில் வெளியாகி எதிர்மறையான விமர்சனங்களைப் பெற்றது. படத்தின் பத்திரிக்கையாளர் சந்திப்பில் பேசிய தயாரிப்பாளர் ஆதித்யா தார், “இந்த படம் சரியான நோக்கத்துடன் எடுக்கப்பட்டுள்ளது.

நான் இயக்குனராகவும் தயாரிப்பாளராகவும் இருக்கும் வரை நோக்கம் எப்போதும் சரியாகவே இருக்கும். ஒரு நாள் இந்தப் படத்தின் நோக்கம் தவறாகிப் போனால் நான் சினிமா துறையை விட்டு விலகுவேன். மக்கள் என்ன சொன்னாலும் எனக்கு கவலையில்லை. ஒரு குறிப்பிட்ட நோக்கத்திற்காக விமர்சகர்களை நாம் பார்க்கவில்லை.

விமர்சகர்கள் சொல்வது போல் நான் அதை ஒரு பிரச்சார படமாக கருதவில்லை. இந்தப் படத்தை ஒரு பிரசாரப் படம் போல காட்டுவது அவர்களின் எண்ணம். ‘ஆர்டிகல் 370’ இந்தியாவை மையமாக வைத்து எடுக்கப்பட்ட படம். இது ஒரு அற்புதமான கதை. நான் கேட்டதிலேயே சிறந்த கதை இது என்று சொல்வேன்.”

மேலும், நாடாளுமன்ற தேர்தலை முன்னிட்டு படம் வெளியானது என்ற விமர்சனத்துக்கு பதிலளித்த அவர், “மீண்டும் தேர்தலில் வெற்றி பெற பாஜகவுக்கு இதுபோன்ற சிறிய படங்களின் உதவி தேவையில்லை. கடந்த 100 ஆண்டுகளில் யாராலும் முடியாத அளவுக்கு ராமர் கோவில் கட்டி முடித்துள்ளனர். எனவே அவர்கள் எங்களை நம்பியிருக்க வேண்டிய அவசியம் இல்லை என்று நான் நினைக்கிறேன்.”