உண்மை சம்பவ கதையில் ஆரி அர்ஜுனன், லட்சுமி மேனன்

சென்னை: உண்மை சம்பவத்தை மையமாக வைத்து உருவாகும் இப்படத்தில் ஆரி அர்ஜுனன் கதாநாயகனாக நடிக்கிறார். மெட்ராஸ் டெக் சார்பில் அருணாச்சலம் அனந்தராமன் தயாரிக்கும் இப்படத்தில் லட்சுமி மேனன் கதாநாயகியாக நடிக்கிறார்.

இதில், ‘மைம்’ கோபி, வையாபுரி, பிளாக் பாண்டி, ‘ஜெயிலர்’ தன்ராஜ், ஷெர்லி பபித்ரா, கனிமொழி உள்ளிட்ட பலர் நடிக்கின்றனர். கதை, திரைக்கதை எழுதி இயக்குநராக அறிமுகமாகிறார் ராஜசேகர பாண்டியன். செம்பூர் கே.ஜெயராஜ் மற்றும் ராஜசேகர பாண்டியன் பாடல் வரிகளை எழுதியுள்ளனர். கார்த்திக் நல்லமுத்து ஒளிப்பதிவு செய்கிறார். இதன் படப்பிடிப்பு மதுரையில் தொடங்கியுள்ளது. விளிம்புநிலை மக்களின் வாழ்க்கையை யதார்த்தமாகச் சொல்லும் இந்தப் படத்தில் மூடநம்பிக்கைகளுக்கு எதிரான கருத்துகளும் இடம் பெற்றிருக்கும் என்கிறது படக்குழு.