உருவாகிறது சிவகார்த்திகேயனின் ‘அயலான்’ 2-ம் பாகம்!

சென்னை: சிவகார்த்திகேயன் நடிப்பில் உருவாகியுள்ள ‘அயலான்’ படத்தின் இரண்டாம் பாகம் உருவாகவுள்ளதாக படக்குழுவினர் தெரிவித்துள்ளனர்.

ஆர்.ரவிக்குமார் இயக்கத்தில் சிவகார்த்திகேயன் நடித்துள்ள படம் ‘அயலான்’. இப்படத்தில் ரகுல் ப்ரீத் சிங், சரத் கேல்கர், இஷா கோபிகர், பானு பிரியா, யோகி பாபு, கருணாகரன், பால சரவணன் மற்றும் பலர் நடித்துள்ளனர். ஏ.ஆர்.ரஹ்மான் இசையமைத்துள்ள இப்படம் கடந்த 12ஆம் தேதி திரையரங்குகளில் வெளியாகியுள்ளது.

கச்சிதமான VFX காட்சிகளுடன் குழந்தைகளைக் கவரும் வகையில் உருவாக்கப்பட்ட இப்படம் கலவையான விமர்சனங்களைப் பெற்று வருகிறது. 80 கோடி பட்ஜெட்டில் இப்படம் உருவாகியுள்ளதாக கூறப்படுகிறது உலகளவில் 50 கோடி வசூலை தாண்டி வசூல் செய்து வருகிறது.

இந்நிலையில், படத்தின் வரவேற்பை அடிப்படையாக வைத்து, இரண்டாம் பாகம் உருவாகப் போவதாக, படத்துக்கான விஎஃப்எக்ஸ் காட்சிகளை உருவாக்கிய ஃபோண்டன் எஃப்எக்ஸ் நிறுவனம் அறிவித்துள்ளது. ‘அயலான்’ படத்தின் இரண்டாம் பாகத்திற்காக படத்தின் தயாரிப்பு நிறுவனமான கேஜேஆர் ஸ்டுடியோவுடன் ஒப்பந்தம் செய்யப்பட்டுள்ளது. சிவகார்த்திகேயன் தொடர்ந்து நடிக்கும் முதல் படம் இது என்பது குறிப்பிடத்தக்கது.