எழில் இயக்கும் தேசிங்கு ராஜா – 2

‘தேசிங்கு ராஜா’ படத்தின் இரண்டாம் பாகத்தை இயக்குனர் எழில் இயக்குகிறார்.

விஜய் நடித்த ‘துள்ளாத மனமும் துள்ளும்’, அஜித் நடித்த ‘பூவெல்லாம் உன் வாசம்’, ‘ராஜா’, சிவகார்த்திகேயன் நடித்த ‘மனம் கொத்திப் பார்வை’, ஜெயம்ரவி நடித்த ‘தீபாவளி’ உள்ளிட்ட பல படங்களை இயக்கியவர் எழில். இவர் விமல் நடித்த ‘தேசிங்குராஜா’ படத்தை இயக்கியவர். இந்தப் பாராட்டைப் பெற்ற படத்தின் அடுத்த பாகத்தை இப்போது எழில் இயக்குகிறார். முதல் பாகத்தில் நடித்த விமல் இதிலும் ஹீரோவாக நடிக்கிறார். தெலுங்கு நடிகைகள் பூஜிதா பொன்னடா மற்றும் ஹர்ஷிதா ஹீரோயின்களாக நடிக்கின்றனர்.

இன்பினிட்டி கிரியேஷன்ஸ் சார்பில் பி.ரவிச்சந்திரன் தயாரித்துள்ளார். 4 கல்லூரி செல்லும் நண்பர்கள் வெவ்வேறு இலக்குகளுடன் வெவ்வேறு பாதைகளில் செல்கின்றனர். அவர்களின் வாழ்க்கை எப்படி இருந்தது? அவர்கள் மீண்டும் சந்திக்கும் சூழ்நிலையை நகைச்சுவையாக உருவாக்கியுள்ளார் இயக்குனர் எழில். ஜனா, ரவிமரியா, ரோபோ சங்கர், சிங்கம் புலி, கிங்ஸ்லி, பிரேம், ராஜேந்திரன், மதுமிதா உள்ளிட்ட பலர் நடிக்கின்றனர். வித்யாசாகர் இசையமைக்கிறார். ஒளிப்பதிவு செல்வா.ஆர். இதற்கான படப்பிடிப்பு தொடங்கியுள்ளது.