ஒரு மாதத்தில் அரசியல் கட்சியாக மாறுகிறதா விஜய் மக்கள் இயக்கம்…? | Does Vijay Peoples Movement become a political party in a month…?

இன்னும் ஒரு மாதத்தில் அரசியல் கட்சியாக மாறுமா விஜய் மக்கள் இயக்கம்…?

25 ஜனவரி, 2024 – 18:05 IST

தமிழ் சினிமாவில் முன்னணி நடிகராக இருப்பவர் விஜய். விரைவில் அரசியலுக்கு வர உள்ளார். இதன் வெளிப்பாடாக தனது மக்கள் இயக்க நிர்வாகிகளை தொடர்ந்து சந்தித்து வருகிறார். கடந்த ஓராண்டாக மாணவர்களுக்கு நலத்திட்ட உதவிகள், தொகுதி வாரியாக நூலகம், மழை வெள்ள பாதிப்புக்கு உதவி, தொகுதி வாரியாக மக்கள் நிர்வாகிகள் கூட்டம் என அரசியலில் தீவிரமாக செயல்பட்டு வருகிறார்.

இந்நிலையில், சென்னையை அடுத்த பனையூரில் மக்கள் இயக்கத்தின் மாவட்ட நிர்வாகிகளை விஜய் இன்று (ஜன., 25) சந்தித்தார். இதில் சென்னை, மதுரை, கோவை, திருச்சி, நெல்லை உள்ளிட்ட மாவட்டங்களில் இருந்து 150க்கும் மேற்பட்ட நிர்வாகிகள் கலந்து கொண்டனர். வரும் லோக்சபா தேர்தலில் போட்டியிடுவது குறித்து ஆலோசிக்கப்பட்டதாக கூறப்படுகிறது. மேலும், ஒரு மாதத்திற்குள் தனது மக்கள் இயக்கத்தை அரசியல் கட்சியாக மாற்றுவது குறித்து நிர்வாகிகள் அவரிடம் பேசியதாக தெரிகிறது. அரசியல் கட்சியாகப் பதிவு செய்து தேர்தலை சந்திப்பதா, கூட்டணியில் போட்டியிடுவதா அல்லது தனித்துப் போட்டியிடுவதா போன்ற விஷயங்களும் விவாதிக்கப்பட்டதாக தகவல்கள் தெரிவிக்கின்றன.