கதை திருட்டு சர்ச்சை : உச்ச நீதிமன்ற தீர்ப்பால் ஸ்ரீமந்துடு இயக்குனருக்கு நெருக்கடி | Story plagiarism controversy : Crisis for Srimanthudu director due to Supreme Court verdict
[ad_1]
கதை திருட்டு சர்ச்சை: உச்ச நீதிமன்ற தீர்ப்பால் ஸ்ரீமந்துடு இயக்குனருக்கு நெருக்கடி
31 ஜனவரி, 2024 – 15:39 IST
கொரட்டாலா சிவா தெலுங்கு திரையுலகில் பிரபல இயக்குனர். கடந்த ஆண்டு சிரஞ்சீவி மற்றும் ராம்சரண் ஆகியோரை வைத்து ஆச்சார்யா படம் தோல்வியடைந்ததால், தற்போது ஜூனியர் என்டிஆரை வைத்து தேவாரா என்ற படத்தை இயக்கி வருகிறார். 2015ல் மகேஷ் பாபுவை வைத்து இவர் இயக்கிய ஸ்ரீமந்துடு திரைப்படம் மாபெரும் வெற்றி பெற்றது. அதே சமயம் வார இதழ் ஒன்றில் அவர் எழுதிய தொடரில் இருந்து படத்தின் கதை திருடப்பட்டதாக அதன் கதாசிரியர் சரத் சந்திரா என்ற ஆர்.டி.வில்சன் ஆந்திர மாநிலம் நம்பள்ளி நீதிமன்றத்தில் வழக்கு தொடர்ந்தார்.
அப்போது கொரட்டாலா சிவாவுக்கு எதிராக தீர்ப்பு வந்தது. இதைத் தொடர்ந்து கொரட்டாலா சிவா உச்ச நீதிமன்றத்தை அணுகினார். இந்நிலையில், உச்ச நீதிமன்றமும் நம்பள்ளி நீதிமன்றத்தின் தீர்ப்பை உறுதி செய்துள்ளது. இதனால் கொரட்டாலா சிவா சட்ட நடவடிக்கையை எதிர்கொண்டுள்ளார். இந்த நேரத்தில் அவர் தரப்பில் இருந்து கதாசிரியர் சரத் சந்திராவிடம் சமரசம் செய்து கொண்டால் நீதிமன்ற நடவடிக்கையில் இருந்து தப்பிக்க வாய்ப்பு உள்ளதாக கூறப்படுகிறது.
இந்த தீர்ப்பு கொரட்டாலா சிவாவின் திரையுலக வாழ்க்கையையே சீர்குலைக்க வாய்ப்புள்ளது. அவரது முந்தைய படமான ஆச்சார்யா படத்திற்காக கூட தனது கதையை திருடிவிட்டதாக ஒரு கதாசிரியர் குற்றம் சாட்டியிருந்தார் என்பதும் குறிப்பிடத்தக்கது.
[ad_2]
