காதலை உறுதிப்படுத்திய சித்தார்த், அதிதி ராவ்

சென்னை: நடிகர் சித்தார்த்தும், அதிதி ராவ் ஹைதாரியும் ‘மகாசமுத்திரம்’ படத்தில் நடித்துக் கொண்டிருந்த போது காதலித்து வந்ததாக கூறப்படுகிறது. இருவரும் சேர்ந்து திரைப்பட விழாக்கள், பார்ட்டிகள் மற்றும் வெளிநாடுகளுக்கு சென்று வருகின்றனர். இருவரும் ஜோடியாக சென்றாலும் தங்கள் காதலை வெளிப்படையாக தெரிவிக்கவில்லை.

இந்நிலையில் சித்தார்த் தனது சமூக வலைதள பக்கத்தில் அதிதி ராவுடன் நெருக்கமாக இருக்கும் புகைப்படத்தை பதிவிட்டு அவருக்கு புத்தாண்டு வாழ்த்துகளை தெரிவித்துள்ளார். அதே புகைப்படத்தை ஆதிதிராவும் பதிவிட்டுள்ளார். இதன் மூலம் இருவரும் தங்கள் காதலை உறுதி செய்ததாக சமூக வலைதளங்களில் கூறி வருகின்றனர்.