டார்க் காமெடி கதையில் சத்யராஜ், வெற்றி

சென்னை: சேகர் ஜி புரொடக்ஷன்ஸ் சார்பில் இளையராஜா சேகர் தயாரித்துள்ள இப்படத்தில் சத்யராஜ் மற்றும் வெற்றி ஆகியோர் முக்கிய வேடங்களில் நடித்துள்ளனர். இன்னும் பெயரிடப்படாத டார்க் காமெடி படத்தை நரேந்திர மூர்த்தி இயக்குகிறார். அமெரிக்கா மற்றும் மலேசியாவில் ஆவணப்படங்களை இயக்கியுள்ள இவர், இந்தப் படத்தின் மூலம் இயக்குநராக அறிமுகமாகிறார். எம்.எஸ்.பாஸ்கர், கோவை சரளா, சச்சு, பிராத்தனா, ஐரா உள்ளிட்ட பலர் நடிக்கின்றனர். ஆர்.உதயகுமார் ஒளிப்பதிவு செய்கிறார். ஜெரால்டு பெலிக்ஸ் இசையமைக்கிறார்.

“ஒரு அடுக்குமாடி கட்டிடத்தில் ஒரே இரவில் நடக்கும் கதை. நான்கு வெவ்வேறு வீடுகளில் நான்கு கொலைகள் நடக்கின்றன. அபார்ட்மெண்டில் உள்ள உடல்களை வீட்டில் உள்ளவர்கள் எப்படி வெளியே எடுக்கிறார்கள் என்பதே கதை. பஞ்சதந்திரம் படத்தைப் போலவே இந்தப் படமும் ரசிகர்களுக்கு அடுத்து என்ன நடக்கப் போகிறது என்ற சிலிர்ப்பைக் கொடுக்கும்” என்கிறார்கள் படக்குழு. இதன் படப்பிடிப்பு சென்னையில் தொடங்கியுள்ளது