தொழிலதிபரை மணக்கிறார் ஷிரின் காஞ்ச்வாலா
[ad_1]
சென்னை: ‘நெஞ்சமுண்டு நேர்மையுண்டு ஓடு ராஜா’ படத்தின் மூலம் தமிழில் கதாநாயகியாக அறிமுகமானவர் ஷிரின் காஞ்ச்வாலா. ஜெட் ஏர்வேஸில் விமானப் பணிப்பெண்ணாக பணிபுரிந்தார். இவர் சிபிராஜின் வால்டர், சந்தானம் நடித்த டிகிலோனா உள்ளிட்ட சில படங்களில் நடித்துள்ளார். தொழிலதிபர் அசார் என்பவரை ஷிரின் காதலித்து வந்தார். இந்நிலையில் இருவருக்கும் கடந்த 5ம் தேதி மும்பையில் நிச்சயதார்த்தம் நடந்தது. நெருங்கிய உறவினர்கள் மட்டும் கலந்து கொண்டனர்.
இதுபற்றி ஷிரின் கூறும்போது, “சில மாதங்களுக்கு முன்பு அசாரை சந்தித்தேன். அவன் என் உறவினரின் நண்பன். நட்பாக ஆரம்பித்தது காதலாக மாறியது. அவருடன் புதிய வாழ்க்கையைத் தொடங்க ஆவலாக உள்ளேன். திருமணத்திற்கு பிறகும் நடிப்பேன். திருமண தேதி இன்னும் முடிவாகவில்லை. இப்போது அமீர் இயக்கத்தில் விமலின் மஞ்சள் குடை, புகழ் ஆகிய படங்களில் நடித்து வருகிறேன். அசார் துபாயில் வாசனை திரவியம் தயாரிக்கும் தொழில் நடத்தி வருகிறார்.
[ad_2]
