நகைச்சுவை கலந்த த்ரில்லர்: ஃபஹத் பாசில் – வடிவேலு இணையும் பட அப்டேட்

சென்னை: ‘மாமன்னன்’ படத்துக்குப் பிறகு ஃபகத் பாசில், வடிவேல் ஜோடியாக நடிக்கும் புதிய படம் காமெடி த்ரில்லராக உருவாகவிருக்கிறது, இதன் படப்பிடிப்பு இம்மாதம் தொடங்கவுள்ளது.

சுதிஷ் ஷங்கர் இயக்கும் இப்படம் ஆர்பி சவுத்ரியின் சூப்பர் குட் பிலிம்ஸின் 98வது படமாகும். கடந்த 2009ம் ஆண்டு வெளியான ‘ஆறு மனமே’ படத்தை இயக்கிய இவர், 2014ல் மலையாளத்தில் திலீப் நடித்த ‘வில்லி வீரன்’ படத்தை இயக்கினார். படத்திற்கு யுவன் ஷங்கர் ராஜா இசையமைத்துள்ளார்.

‘மாமன்னன்’ படத்திற்கு பிறகு வடிவேலுவும், ஃபஹத் பாசிலும் இணைந்து நடிக்கின்றனர் படத்தின் மீதான எதிர்பார்ப்பு அதிகரித்துள்ளது. படத்திற்கு இன்னும் தலைப்பு வைக்கப்படவில்லை. கலைசெல்வன் சிவாஜி கையாளும் இப்படத்திற்கு ஸ்ரீஜித் சாரங் படத்தொகுப்பு பணிகளை கவனிக்கிறார்.

கதை என்ன? – நாகர்கோவிலில் இருந்து பொள்ளாச்சிக்கு இரண்டு சாலைப் பயணத்தின் கதை. வடிவேல் மற்றும் ஃபஹத் பாசிலின் பயணம் நகைச்சுவையுடன் தொடங்கி த்ரில்லர் கதைக்களத்தில் முடிவடையும் என்று கூறப்படுகிறது. மேலும், இப்படம் சமூக பிரச்சனையை மையமாக வைத்து எடுக்கப்பட்டுள்ளதாக தகவல் வெளியாகியுள்ளது. படத்தின் அறிவிப்பு போஸ்டர் கூட சாலை பயணத்தை குறிக்கும் வகையில் வடிவமைக்கப்பட்டுள்ளது. இதன் படப்பிடிப்பு ஜனவரி 22ஆம் தேதி சென்னையில் தொடங்கவுள்ளது என்பது குறிப்பிடத்தக்கது.