நிவின் பாலியின் ‘பிரேமம்’ வியாழக்கிழமை ரீ-ரிலீஸ்!

சென்னை: மலையாளத்தில் நிவின்பாலி நடிப்பில் வெளியாகி வெற்றி பெற்ற ‘பிரேமம்’ திரைப்படம் நாளை (பிப்ரவரி 1) தமிழகத்தில் ரீ-ரிலீஸ் செய்யப்படுகிறது.

அல்போன்ஸ் புத்ரன் இயக்கத்தில் நிவின் பாலி, சாய் பல்லவி நடிப்பில் கடந்த 2015ஆம் ஆண்டு வெளியான படம் ‘பிரேமம்’. அன்வர் ரஷீத் தயாரித்த இப்படத்தில் மடோனா செபாஸ்டியன், அனுபமா பரமேஸ்வரன், கிருஷ்ணா சங்கர், சபரீஷ், வினய் போர்ட், சௌபின் ஷாஹிர் மற்றும் பலர் நடித்துள்ளனர். ராஜேஷ் முருகேசன் இசையமைத்திருக்கும் இப்படம் மூன்று வெவ்வேறு காலகட்டங்களில் நடக்கும் காதலைக் கையாள்கிறது.

இப்படம் மலையாளம், தமிழில் வெளியானது தமிழ் ரசிகர்களின் விருப்ப பட்டியலில் வைக்கப்படும். 4 கோடி ரூபாய் பட்ஜெட்டில் எடுக்கப்பட்ட இப்படம் மொத்தம் 70 கோடி ரூபாய் வசூலித்தது. இந்நிலையில் இப்படம் நாளை (பிப்ரவரி 1) தமிழகத்தின் பல்வேறு திரையரங்குகளில் ரீ-ரிலீஸ் ஆகிறது.

இதற்கான டிக்கெட் முன்பதிவு விறுவிறுப்பாக நடந்து வருகிறது. முன்னதாக தனுஷின் ‘3’ மற்றும் ஜீவாவின் ‘சிவா மனசுல சக்தி’ ஆகிய படங்கள் சமீபத்தில் ரீ-ரிலீஸ் செய்யப்பட்டன.