பிக்பாஸ் சீசன் 7 : டைட்டில் பட்டத்தை வென்றார் அர்ச்சனா | Bigg Boss Season 7: Archana wins the title

பிக் பாஸ் சீசன் 7: அர்ச்சனா டைட்டிலை வென்றார்

14 ஜனவரி, 2024 – 23:35 IST

கமல்ஹாசன் தொகுத்து வழங்கிய பிக்பாஸ் சீசன் 7 பிரமாண்ட நிகழ்ச்சிகளுடன் நிறைவடைந்தது. இந்த சீசனின் வெற்றியாளராக அர்ச்சனா தேர்ந்தெடுக்கப்பட்டார். மணி இரண்டாம் இடத்தையும், மாயா மூன்றாம் இடத்தையும் பெற்றனர்.

விஜய் டிவியில் ஒளிபரப்பாகும் பிக்பாஸ் நிகழ்ச்சியை கமல்ஹாசன் தொகுத்து வழங்கி வருகிறார். ஆறு சீசன்களுக்கு பிறகு ஏழாவது சீசன் கடந்த சில வாரங்களாக ஒளிபரப்பாகி வருகிறது. மாயா, விசித்ரா, பூர்ணிமா, விஜய் வர்மா, மணி, விஷ்ணு, ரவீனா, நிக்சன், ஐசு, அக்‌ஷயா, விக்ரம், அனன்யா, பிரதீப் ஆண்டனி, யுகேந்திரன், கூல் சுரேஷ், ஜோவிகா, வினுஷா, பாவா செல்லத்துரை ஆகியோர் முதலில் போட்டியிட்டனர்.
பின்னர் அர்ச்சனா, தினேஷ், அன்னபாரதி, பிராவோ, கானா பாலா ஆகியோர் வைல்ட் கார்டு என்ட்ரியாக சென்றனர். ஒவ்வொரு வாரமும் ஒவ்வொரு போட்டியாளர்கள் வெளியேற்றப்பட்டனர். இந்த சீசனில் பிரதீப் ஆண்டனியின் சிவப்பு அட்டை சர்ச்சைக்குள்ளானது. 16 லட்சம் பணப்பெட்டியை எடுத்துக் கொண்டு பூர்ணிமா வெளியேறினார். இந்த சீசனின் 106 நாட்களுக்குப் பிறகு முதல் இறுதிப் போட்டியாளராக விஷ்ணு நுழைந்தார்.
அர்ச்சனா, மாயா, மணி, தினேஷ், விஜய் வர்மா ஆகியோர் தேர்வு செய்யப்பட்டனர். இறுதியாக விஜய் வர்மாவும் வெளியேறினார். போட்டியாளர்களின் கலை நிகழ்ச்சியுடன் இறுதிப் போட்டி பிரமாண்டமாக நடந்தது. ஒவ்வொரு போட்டியாளருக்கும் வெவ்வேறு திறன்களின் அடிப்படையில் விருது வழங்கப்பட்டது.
இறுதியாக மக்கள் அளித்த வாக்குகளின்படி அர்ச்சனா வெற்றியாளராக தேர்வு செய்யப்பட்டார். வைல்ட் கார்டு என்ட்ரியில் நுழைந்து பட்டம் வென்ற முதல் போட்டியாளர் அர்ச்சனா என்பது குறிப்பிடத்தக்கது. இரண்டாம் இடத்தை மணியும், மூன்றாம் இடத்தை மாயாவும் பெற்றனர்.
பட்டம் வென்ற அர்ச்சனாவுக்கு ரூ.50 லட்சம் ரொக்கம், கார் உள்ளிட்ட பல்வேறு பரிசுகள் வழங்கப்பட்டன.