புகைபிடிக்கும் காட்சி : தனுஷ், ஐஸ்வர்யாவுக்கு எதிரான வழக்கை தள்ளுபடி செய்தது உச்சநீதிமன்றம் | Smoking scene: Supreme Court dismisses case against Dhanush, Aishwarya
[ad_1]
புகைபிடிக்கும் காட்சி: தனுஷ், ஐஸ்வர்யா மீதான வழக்கை தள்ளுபடி செய்தது உச்சநீதிமன்றம்
18 ஜனவரி, 2024 – 15:11 IST
தனுஷின் ‘வேலையில்லா பட்டதாரி’ படத்தில் தனுஷ் புகைப்பிடிக்கும் காட்சிகள் காண்பிக்கப்படும்போது, திரையில் வைக்கப்பட வேண்டிய எச்சரிக்கை வாசகம் சரியாக வைக்கப்படவில்லை என்று தமிழ்நாடு புகையிலை கட்டுப்பாட்டு மக்கள் அமைப்பு தமிழக அரசிடம் புகார் அளித்துள்ளது. இதையடுத்து தனுஷ் மற்றும் தயாரிப்பாளர் ஐஸ்வர்யா மீது தமிழக அரசின் பொது சுகாதாரத்துறை சென்னை சைதாப்பேட்டை நீதிமன்றத்தில் வழக்கு தொடர்ந்தது. இந்த வழக்கு விசாரணைக்கு தடை கோரி தனுஷ் மற்றும் ஐஸ்வர்யா இருவரும் தனித்தனியாக சென்னை உயர்நீதிமன்றத்தில் மனு தாக்கல் செய்தனர்.
இந்த மனுக்களை விசாரித்த உயர்நீதிமன்றம், சைதாப்பேட்டை நீதிமன்றத்தில் தனுஷ், ஐஸ்வர்யா தனுஷ் மீது தொடரப்பட்ட வழக்கை ரத்து செய்து உத்தரவிட்டது. இந்த உத்தரவை எதிர்த்து, புகையிலை கட்டுப்பாட்டுக்கான தமிழ்நாடு மக்கள் அமைப்பு சார்பில் உச்ச நீதிமன்றத்தில் மேல்முறையீடு செய்யப்பட்டது. இந்த மனுவை உச்சநீதிமன்றம் விசாரித்தது. சென்னை உயர்நீதிமன்ற உத்தரவு சரியானதுதான். அதில் தலையிட தேவையில்லை என்று கூறி மேல்முறையீட்டு மனுவை தள்ளுபடி செய்தது. இத்துடன் இந்த பிரச்னை முடிவுக்கு வந்துள்ளது.
[ad_2]
