வடசென்னை பின்னணியில் ‘காத்து வாக்குல ஒரு காதல்’

சென்னை: சென்னை புரொடக்‌ஷன்ஸ் சார்பில் எஷில் இனியன் தயாரிக்கும் படம் ‘காத்து வொக்லா ஓர் காதல்’. மாஸ் ரவி பூபதி கதை, திரைக்கதை, பாடல்கள் எழுதி, கதையின் நாயகனாகவும் நடித்துள்ளார். லட்சுமி பிரியா, மஞ்சுளா ஹீரோயின்கள். இவர்களுடன் சூப்பர் சுப்பராயன், சாய் தீனா, சத்யா, கோலேஜ் வினோத், ஆதித்யா கதிர், தங்கதுரை உள்ளிட்ட பலர் நடித்துள்ளனர். ராஜதுரை, சுபாஷ் என் மணியன் ஒளிப்பதிவு செய்திருக்கும் இந்த படத்திற்கு ஜிகேவி இசையமைத்துள்ளார்.

“இரண்டு நபர்களுக்கு இடையே நடக்கும் உண்மையான காதலை மையமாக வைத்து கதை நகர்கிறது. வடசென்னை பின்னணியில் இப்படம் உருவாகியுள்ளது. சமூக வலைதளங்கள் இளம் பெண்களின் வாழ்க்கையை எப்படி சீரழிக்கிறது என்பதை படம் பிடித்து காட்டுகிறோம். காதல், நகைச்சுவை, ஆக்‌ஷன், த்ரில்லர், எமோஷனல் என கமர்ஷியல் அம்சத்துடன் இப்படம் தயாராகி வருகிறது” என்று படக்குழு தெரிவித்துள்ளது. படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது.