வாய்ப்ப உட்றக்கூடாது.. | அசோக் செல்வன், சாந்தனுவின் ‘ப்ளூ ஸ்டார்’ ட்ரெய்லர் எப்படி?

சென்னை: இயக்குனர் பா.ரஞ்சித் தயாரிப்பில் உருவாகியுள்ள ‘ப்ளூ ஸ்டார்’ படத்தின் டிரைலர் வெளியாகியுள்ளது. அசோக் செல்வன், சாந்தனு ஆகியோர் பிரதான் கேரக்டரில் நடித்துள்ள இந்தப் படம் வரும் 25ஆம் தேதி வெளியாகிறது.

புதுமுக இயக்குனர் ஜெயக்குமார் இயக்கத்தில் நீலம் புரொடக்ஷன்ஸ் இப்படத்தை தயாரித்துள்ளது. கிரிக்கெட் விளையாட்டை மையமாக வைத்து இப்படத்தின் கதைக்களம் அமைந்துள்ளது. கீர்த்தி பாண்டியன், பிருத்விராஜன், பகவதி பெருமாள், இளங்கோ குமரவேல், லிசி ஆண்டனி, திவ்யா துரைசாமி உள்ளிட்ட பலர் நடித்துள்ளனர். கோவிந்த் வசந்தா இசையமைத்துள்ளார்.

டிரெய்லர் எப்படி? 2.39 நிமிடங்கள் ஓடும் இந்த டிரெய்லரின் தொடக்கக் காட்சி கிரிக்கெட் மைதானம். எளிய பின்னணியில் இருந்து வரும் இளைஞர்கள் கிரிக்கெட் விளையாட்டில் இடம்பிடிக்க பாடுபடுவது போல் அடுத்தடுத்த காட்சிகள் நகரும். காதல், குடும்பம், கிரிக்கெட் விளையாட்டில் புறக்கணிப்பு, பக்கத்தில் இருப்பவர்களின் நம்பிக்கை வார்த்தைகளுடன் ட்ரைலர் முடிகிறது.

வீடியோ இணைப்பு..