‘விஜய் 68’ ஹாலிவுட் பட ரீமேக்கா?

நடிகர் விஜய் தற்போது நடித்து வரும் படத்தை வெங்கட் பிரபு இயக்குகிறார். விஜய்யின் 68வது படமான இதில் ஜெயராம், பிரபுதேவா, மோகன், பிரசாந்த், சினேகா, லைலா, மீனாட்சி சவுத்ரி மற்றும் பலர் நடித்துள்ளனர். யுவன் ஷங்கர் ராஜா இசையமைத்துள்ளார். கங்கை அமரன், கார்க்கி, கபிலன் வைரமுத்து, பிஹு ஆகியோர் பாடல்கள் எழுதுகிறார்கள். இந்தப் படத்தை ஏஜிஎஸ் நிறுவனம் தயாரிக்கிறது.

இந்நிலையில் இந்த படத்தின் ஃபர்ஸ்ட் லுக் மற்றும் டைட்டில் போஸ்டர் வெளியாகியுள்ளது. இப்படத்திற்கு ‘தி கிரேட்டஸ்ட் ஆஃப் ஆல் டைம்’ என்று தலைப்பு வைக்கப்பட்டுள்ளது. பர்ஸ்ட் லுக் போஸ்டர் இரண்டு விஜய்களை விமானப்படை விமானிகள் போல் அணிந்து கொண்டு வடிவமைக்கப்பட்டுள்ளது.

இது வெளியானதும் ‘ஜெமினி மேன்’ என்ற ஹாலிவுட் படத்தின் ரீமேக் என்று சமூக வலைதளங்களில் பலரும் கருத்து தெரிவித்தனர். இப்படத்தில் வில் ஸ்மித் 3 வேடங்களில் நடித்துள்ளார். இதுகுறித்து இயக்குனர் வெங்கட் பிரபுவிடம் ரசிகர் ஒருவர் கேட்டுள்ளார். இதற்கு மறுப்பு தெரிவித்த வெங்கட் பிரபு, ‘மன்னிக்கவும் தம்பி. நான் உங்களிடமிருந்து அதிகம் எதிர்பார்க்கிறேன்,” என்று அவர் பதிலளித்தார்.