ஹீரோயின் இல்லாத ஒரு நொடி

அறிமுக இயக்குனர் மணிவர்மன் இயக்கத்தில் தமன்குமார் நாயகனாக நடிக்கும் படம் ‘ஒரு நோட்’. மதுரை அழகர் மூவிஸ் மற்றும் ஒயிட் லேம்ப் பிக்சர்ஸ் தயாரிக்கும் இப்படத்தை தனஞ்செயன் வழங்குகிறார். எம்.எஸ்.பாஸ்கர், வேல ராமமூர்த்தி, பாஷா கருப்பையா, தீபாசங்கர், ரஞ்சனி, குரு சூரியா உள்ளிட்டோர் நடித்துள்ளனர். கே.ஜி.ரதீஷ் ஒளிப்பதிவு செய்திருக்கும் இந்த படத்திற்கு சஞ்சய் மாணிக்கம் இசையமைத்துள்ளார்.

படம் பற்றி மணிவர்மன் கூறியதாவது: ஒரு நொடியை சாதாரணமாக நினைக்கிறோம். ஆனால் அந்த ஒரு நொடியில் எதுவும் நடக்கலாம். அப்படி ஒரு விஷயம் இந்தப் படத்தில் நடக்கிறது. அது என்ன என்பதுதான் கதை. க்ரைம் கதையாக இருந்தாலும் க்ரைம் படத்தில் வழக்கமான காட்சிகள் இதில் இல்லை. திரைக்கதை வித்தியாசமாக இருக்கும். தமன்குமார் போலீஸ் அதிகாரியாக நடித்துள்ளார். சில உண்மைச் சம்பவங்களை கற்பனை கலந்த கதையின் அடிப்படையில் இக்கதையை உருவாக்கியுள்ளேன். இந்தப் படத்தில் கதாநாயகி இல்லை. இரண்டு மணி நேரம் ஓடும் இந்தப் படத்தின் கிளைமாக்ஸ் ஆச்சரியமளிக்கிறது. மணிவர்மன் கூறினார்.