2028 லாஸ் ஏஞ்சல்ஸ் ஒலிம்பிக்கில் கிரிக்கெட் சேர்க்கப்படும்!

லண்டன்: எதிர்வரும் 2028ஆம் ஆண்டு நடைபெறவுள்ள லாஸ் ஏஞ்சல்ஸ் ஒலிம்பிக்கில் கிரிக்கெட் உள்ளடக்கப்பட்டுள்ளதாக தெரிவிக்கப்பட்டுள்ளது. ஐந்து விளையாட்டுகள் சேர்க்கப்பட்டுள்ளன: பேஸ்பால், சாப்ட்பால், லாக்ரோஸ், ஸ்குவாஷ் மற்றும் கிரிக்கெட் என்று பிரிட்டிஷ் செய்தி நிறுவனமான ‘தி கார்டியன்’ தெரிவித்துள்ளது.

லாஸ் ஏஞ்சல்ஸ் ஒலிம்பிக் ஏற்பாட்டுக் குழு விளையாட்டுப் பட்டியலை உறுதி செய்துள்ளது. ஒலிம்பிக் திட்டக்குழுவுடன் ஆலோசனை நடத்திய பிறகு, மும்பையில் நடைபெறும் சர்வதேச ஒலிம்பிக் கமிட்டி கூட்டத்திற்குப் பிறகு அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

ஒலிம்பிக்கில் கிரிக்கெட்: கடந்த 1900 ஒலிம்பிக்கில் கிரிக்கெட் விளையாடப்பட்டது. அதன் பிறகு ஒலிம்பிக்கில் கிரிக்கெட் விளையாடவில்லை. இந்நிலையில், இந்த பரிந்துரை குறித்து சர்வதேச கிரிக்கெட் கவுன்சில் மகிழ்ச்சி தெரிவித்துள்ளது.

“லாஸ் ஏஞ்சல்ஸ் ஒலிம்பிக்கில் கிரிக்கெட் சேர்க்கப்படுவதற்கு பரிந்துரைக்கப்பட்டதில் நாங்கள் மகிழ்ச்சியடைகிறோம். பல நூற்றாண்டுகளுக்குப் பிறகு ஒலிம்பிக்கில் கிரிக்கெட்டைப் பார்ப்பது ஒரு குறிப்பிடத்தக்க மைல்கல்.

லாஸ் ஏஞ்சல்ஸ் ஒலிம்பிக் ஏற்பாட்டுக் குழு கடந்த இரண்டு ஆண்டுகளாக புதிய விளையாட்டு மதிப்பீட்டுச் செயல்பாட்டில் கிரிக்கெட் விளையாட்டிற்கு வழங்கிய ஆதரவிற்கு நான் நன்றியுள்ளவனாக இருக்கிறேன். இந்நிலையில், மும்பையில் நடைபெறும் சர்வதேச ஒலிம்பிக் கமிட்டியின் கூட்டத் தொடருக்குப் பிறகு இறுதி முடிவு எடுக்கப்படும் என எதிர்பார்க்கிறோம்” என ஐசிசி தலைவர் கிரெக் பார்க்லே தெரிவித்துள்ளார்.